బోధన సామర్థ్యాన్ని పెంపొందించేందుకు సరికొత్త ఆవిష్కరణలతో 2019 ఆగస్టు 21న ఎన్‌సీఈఆర్టీ నిష్టా రూపొందించింది. ఇందులో భాగంగా ఆన్‌లైన్‌లో దీక్ష కార్యక్రమం నిర్వహిస్తున్నారు. ఇందులో జిల్లా వ్యాప్తంగా అన్ని ప్రభుత్వ యాజమాన్యాల పరిధిలోని ప్రాథమిక, ప్రాథమికోన్నత పాఠశాలల్లోని 9,104 మంది ఉపాధ్యాయులు ఈ దీక్షలో శిక్షణ పొందుతున్నారు.
15 రోజుల శిక్షణలో 18 మాడ్యుల్స్‌ను తయారు చేయాల్సి ఉంటుంది. శిక్షణ పూర్తైతే పాఠ్యపుస్తకాల రూపకల్పన, బోధనా సామర్థ్యం పెరుగుతుందని అధికారులు పేర్కొంటున్నారు. ఐదో తరగతి వరకు బోధన చేసే ప్రతి ఉపాధ్యాయుడు తప్పనిసరిగా పాల్గొనాలి, ఆన్‌లైన్‌ ద్వారా లైవ్‌ వీడియోలను చూడాలి. శిక్షణకు సంబంధించి మార్గదర్శకాలను విడుదల చేశారు.
కోర్సు-1 : ఈ నెల 7 నుంచి 22 వరకు కొత్త పాఠ్య పుస్తకాల రూపకల్పనకు శిక్షణ. గణితం, ఈవీఎస్‌, ఇంగ్లిషు, తెలుగు సబ్జెక్టుల్లో ఓరియంటేషన్‌ కార్యక్రమం ఉంటుంది.
కోర్సు-2 :మే 23 నుంచి 28 వరకు ఉయ్‌ లవ్‌ రీడింగ్‌
కోర్సు-3 : మే 29 నుంచి జూన్‌ ఒకటో తేదీ వరకు దీక్ష కంటెంట్‌ క్రియేషన్‌ రూపకల్పన