అలా నడవకండి.. ఈ బస్సుల్లో వెళ్లండి!

చిత్తూరు జిల్లాలోని జాతీయ రహదారులపై నడుచుకుంటూ, సైకిళ్లపై వెళ్తున్న వలస కూలీలను జిల్లా అధికారులు వారి వారి గమ్య స్థానాలకు చేర్చడానికి చర్యలు చేపట్టారు.

చిత్తూరు జిల్లాలోని జాతీయ రహదారులపై నడుచు కుంటూ, సైకిళ్లపై వెళ్తున్న వలస కూలీలను వారి గమ్య స్థానాలకు చేర్చడానికి జిల్లా అధికారులు చర్యలు చేపట్టారు. కార్మికులను రిలీఫ్ సెంటర్లకు తరలించి భోజనం, తాగునీటి సౌకర్యం, వసతి ఏర్పాటు చేస్తున్నారు.

కర్ణాటకలోని కోలారు జిల్లా మాలూరు ప్రాంతంలో వివిధ పనుల కోసం వలస వచ్చిన వారు లాక్ డౌన్ కారణంగా చిక్కుకు పోయారు. సొంత ఊరుకు వెళ్లాలని సైకిళ్ళు కొనుగోలు చేసి... ఒడిశాకు బయలుదేరారు. వీరితో పాటు కర్ణాటక నుంచి బయల్దేరి చిత్తూరు జిల్లా సరిహద్దు నంగిలి వద్దకు చేరుకున్న మధ్యప్రదేశ్ వాసులు 114 మంది, బీహార్ వాసులు 100 మంది, ఝార్ఖండ్ నుంచి 50, ఒడిశాకు చెందిన 45 మంది కూలీలను చిత్తూరు జిల్లా అధికారులు గుర్తించారు.

జిల్లా కేంద్రం చిత్తూరు నుంచి మధ్యప్రదేశ్ రాష్ట్రానికి వెళ్లే వారికి విజయవాడ వరకు ప్రత్యేక బస్సు సౌకర్యం కల్పించారు. ఒడిశా రాష్ట్రానికి వెళ్లే వారికి ప్రత్యేక బస్సు సౌకర్యం కల్పించి జిల్లా కేంద్రం నుంచి పంపించారు. బీహార్, జార్ఖండ్ రాష్ట్రాలకు వెళ్లే వారిని పలమనేరులోని రిలీఫ్ సెంటర్లో వసతి ఏర్పాటు చేశారు. త్వరలో వీరిని సొంత రాష్ట్రాలకు పంపించనున్నారు.

ఇదీ చదవండి: