ఇవాళ తిరుపతిలో ఎన్టీఆర్ ట్రస్టు రక్తనిధి ప్రారంభం

రక్త దానం ద్వారా ఎంతో మందికి సేవలందించిన ఎన్టీఆర్ ట్రస్ట్ ఆధ్వర్యంలో మరో రక్తనిధి ఇవాళ తిరుపతిలో ప్రారంభం కానుంది.

రాష్ట్రంలో ఎన్టీఆర్‌ ట్రస్ట్‌ ఆధ్వర్యంలో నాల్గవ రక్తనిధిని తిరుపతిలో ఏర్పాటు చేశారు. తెదేపా జాతీయ అధ్యక్షుడు, ముఖ్యమంత్రి చంద్రబాబు జన్మదినోత్సవం నేపథ్యంలో ఇవాళ రక్తనిధిని ప్రారంభించనున్నారు. నగరంలోని ఆర్​ఆర్ కాలనీ, కోటుకొమ్మల వీధిలో ఏర్పాటు చేసిన రక్తనిధిని మేనేజింగ్ ట్రస్టీ నారా భువనేశ్వరి ప్రారంభిస్తారు. మధ్యాహ్నం 2 గంటలకు హైదరాబాద్‌ నుంచి తిరుపతి విమానాశ్రయం చేరుకోనున్న ముఖ్యమంత్రి రోడ్డు మార్గం ద్వారా పద్మావతి అతిథి గృహానికి వస్తారు. సాయంత్రం 4గంటల 30 నిమిషాల ప్రాంతంలో ఆయన కుటుంబ సభ్యులతో కలిసి ఆర్​ఆర్ కాలనీకి చేరుకొంటారు. నారాభువనేశ్వరి రక్తనిధిని ప్రారంభిస్తారు...సీఎం ముఖ్యఅతిథిగా ఈ కార్యక్రమంలో పాల్గొంటారు