తిరుమల శ్రీవారిని దర్శించుకున్న ఎమ్మెల్యే రోజా
పేద ప్రజల కోసమే ప్రభుత్వం సినిమా టికెట్ల ధరలు తగ్గించిందని వైకాపా ఎమ్మెల్యే రోజా అన్నారు. ఈ విషయంపై కొందరు కావాలనే అనవసర ఆరోపణలు చేస్తున్నారని విమర్శించారు. అందరికీ ఆమోదయోగ్యమైన పరిష్కారం కోసం ప్రభుత్వం చర్చిస్తోందని తెలిపారు. వీఐపీ ప్రారంభ దర్శన సమయంలో రోజా.. తిరుమల శ్రీవారిని దర్శించుకున్నారు. దర్శనానంతరం రంగనాయకుల మండపంలో స్వామివారి తీర్థప్రసాదాలను స్వీకరించారు.