మద్యం మత్తులో తలెత్తిన ఘర్షణ ఒకరి ప్రాణాలను బలితీసుకుంది. తిరుపతిలోని ఓ ప్రైవేట్ హోటల్లో.. హైదరాబాద్కు చెందిన పెంచలయ్య, వరంగల్కు చెందిన శ్రీనివాసులు పని చేస్తున్నారు. ఇద్దరు ఎస్టీవీ నగర్లో అద్దె ఇంటిలో ఉంటున్నారు. ఇద్దరూ మద్యం సేవించిన మత్తులో మాట మాట పెరిగి ఘర్షణకు దిగారు.
మొదట పెంచలయ్య కత్తితో శ్రీనివాసులుపై దాడి చేయగా... ఆవేశంతో శ్రీనివాసులు.. పెంచలయ్యను కత్తితో గొంతు లో పొడిచాడు. ఈ ఘటనలో పెంచలయ్య అక్కడికక్కడే మృతి చెందాడు. తిరుపతి తూర్పు పోలీసులు శ్రీనివాసులుని అదుపులోకి తీసుకున్నారు. కేసు నమోదు చేసి దర్యాప్తు చేస్తున్నారు.