శ్రీకాళహస్తీశ్వరునికి పట్టు వస్త్రాలు అందజేసిన తితిదే

చిత్తూరు జిల్లా శ్రీకాళహస్తిలో మహాశివరాత్రి బ్రహ్మోత్సవాల్లో భాగంగా స్వామి, అమ్మవార్ల కల్యాణోత్సవానికి తితిదే తరఫున ఆలయ ఈవో అనిల్ కుమార్ సింఘాల్, ఛైర్మన్ వైవీ సుబ్బారెడ్డి పట్టు వస్త్రాలు సమర్పించారు.

శ్రీకాళహస్తి ఆలయంలో మహాశివరాత్రి బ్రహ్మోత్సవాల్లో భాగంగా స్వామి, అమ్మవార్ల కల్యాణోత్సవానికి తితిదే తరఫున ఆలయ ఈవో అనిల్ కుమార్ సింఘాల్, ఛైర్మన్ వైవీ సుబ్బారెడ్డి పట్టు వస్త్రాలు సమర్పించారు. ఆలయ అర్చకులు, వేదపండితులు మంత్రోచ్ఛరణల మధ్య వీరికి ఘనస్వాగతం పలికారు. తితిదే అందచేసిన సారెను శ్రీ వాయు లింగేశ్వర స్వామి సమేత జ్ఞాన ప్రసూనాంబ దేవికి అలంకరణ చేశారు. అనంతరం ఆలయం తరఫున దర్శన ఏర్పాట్లు నిర్వహించి తీర్థప్రసాదాలు, జ్ఞాపికలను అందజేశారు. తిరుమల బ్రహ్మోత్సవాలను తలపించే విధంగా శ్రీకాళహస్తిలో మహాశివరాత్రి బ్రహ్మోత్సవాలను వైభవంగా నిర్వహిస్తుండడం ఆనందంగా ఉందని వైవీ సుబ్బారెడ్డి అన్నారు.

ఇదీ చూడండి: