అక్రమంగా తరలిస్తున్న మద్యం, బంగారం పట్టివేత

తమిళనాడు నుంచి అక్రమంగా తరలిస్తున్న మద్యాన్ని చిత్తూరు జిల్లా రాయలచెరువులో స్పెషల్​ టాస్క్​ఫోర్స్​ పోలీసులు పట్టుకున్నారు. మద్యం బాటిళ్లతో పాటు రూ.2 లక్షల విలువ చేసే బంగారాన్ని స్వాధీనం చేసుకున్నారు.

చిత్తూరు జిల్లా రామచంద్రాపురం మండలం రాయలచెరువు వద్ద స్పెషల్ టాస్క్‌ఫోర్స్​ పోలీసులు దాడులు నిర్వహించారు. తమిళనాడు నుంచి అక్రమంగా తరలిస్తున్న రూ.70వేలు విలువ చేసే మద్యం బాటిళ్లతో పాటు సుమారు రూ.2 లక్షల విలువైన బంగారాన్ని పోలీసులు పట్టుకున్నారు. అనంతరం కారుతో పాటు డ్రైవర్​ని అదుపులోకి తీసుకున్నట్లు డీఎస్పీ నాగసుబ్బన్న తెలిపారు. ఈ దాడుల్లో రామచంద్రాపురం ఎస్ఐతో పాటు సిబ్బంది పాల్గొన్నారు.

ఇదీ చూడండి:చేపలు తరలించే నీటి ట్యాంకుల్లో మద్యం అక్రమ రవాణా