శ్రీ కల్యాణ వేంకటేశ్వరస్వామివారి వసంతోత్సవాలు వైభవంగా ప్రారంభమయ్యాయి. చిత్తూరు జిల్లా శ్రీనివాసమంగాపురంలోని శ్రీ కల్యాణ వేంకటేశ్వరస్వామివారి ఆల‌యంలో.. కరోనా ప్రభావం వల్ల ఉత్సవాలను ఏకాంతంగా నిర్వహిస్తున్నారు.
శ్రీదేవి భూదేవి సమేత కల్యాణ వేంకటేశ్వరస్వామి వారి ఉత్సవర్లకు స్నపన తిరుమంజనం జరిగింది. ఇందులో పాలు, పెరుగు, తేనె, కొబ్బ‌రినీళ్లు, ప‌సుపు, చందనంలతో అభిషేకం చేశారు. మంగళవాయిద్యాలు, వేదమంత్రాల నడుమ అర్చకులు శాస్త్రోక్తంగా శనివారం వసంతోత్సవం నిర్వహించారు. మూడు రోజుల పాటు ఈ ఉత్సవాలు కొనసాగుతాయి.