'సీసీ కెమెరాలు ఏర్పాటు చేసి కొత్త షెడ్యూల్​ను ప్రకటించాలి'

స్థానిక సంస్థల ఎన్నికల్లో భాగంగా నామినేషన్ల ప్రక్రియలో వైకాపా నాయకుల అరాచకాలను దృష్టిలో పెట్టుకుని కొత్త ఎన్నికల షెడ్యూల్​ను ఎన్నికల సంఘం ప్రకటించాలని జనసేన నాయకులు కోరారు. కొత్త నోటిఫికేషన్ ఇచ్చి సీసీ కెమెరాలు ఏర్పాటు చేసి ఎన్నికలను నిర్వహించాలన్నారు.

స్థానిక సంస్థల ఎన్నికల్లో నామినేషన్ల దాఖలు, ఉపసంహరణ ప్రక్రియల్లో వైకాపా నాయకుల దౌర్జన్యాలను దృష్టిలో పెట్టుకుని తిరిగి కొత్త షెడ్యూల్​ను విడుదల చేయాలని జనసేన పీఏసీ సభ్యుడు పసుపులేటి హరిప్రసాద్ కోరారు. అధికారులు, పోలీసులు వైకాపా దుస్తులు వేసుకుని ఎన్నికలను నిర్వహించారంటూ ఆగ్రహం వ్యక్తం చేశారు. ఎన్నికల రిటర్నింగ్ అధికారి చుట్టూ 10-15 మంది వైకాపా నాయకులు నిలబడి నామినేషన్లను ప్రభావితం చేశారని జనసేన నాయకులు ఆరోపించారు. కొత్త నోటిఫికేషన్ ఇచ్చి సీసీ కెమెరాలు ఏర్పాటు చేసి ఎన్నికలను నిర్వహించాలన్నారు. అవసరమైతే ఆన్​లైన్​లో నామినేషన్ల అంశాన్ని పరిశీలించాలని ఎన్నికల సంఘాన్ని ఆయన కోరారు.

ఇదీ చదవండి:'శ్రీకాళహస్తి నియోజకవర్గంలో ఎన్నికలు పూర్తిగా రద్దు చేయండి'