తిరుపతిలో యువకులు గంజాయి మత్తులో మునిగి తేలుతున్నారు. నగరంలోని తాతయ్యగుంటలో గంజాయి సేవించిన యువకులు.. దారినపోయే ఓ యువకుడిపై దాడికి పాల్పడ్డారు. కత్తితో దాడి చేయడం వల్ల వెంకటసాయి అనే వ్యక్తి తీవ్రంగా గాయపడ్డాడు. చుట్టుపక్కల వారు గమనించి అతడిని రుయా ఆస్పత్రికి తరలించారు.
ఈ ప్రాంతంలో ఇలాంటి సంఘటనలు నిత్యకృత్యమయ్యాయని స్థానికులు ఆందోళన వ్యక్తం చేశారు. పోలీసులు గస్తీ ఏర్పాటు చేసి వారిని కట్టడి చేయాలని కోరుతున్నారు. వెంకటసాయిపై దాడికి పాల్పడిన ఆరు మంది యువకులపై తిరుపతి ఈస్ట్ పోలిస్ స్టేషన్లో ఫిర్యాదు చేశారు.