పార్కింగ్ ఉచితమే.. పర్యవేక్షణ లేక సాగుతోంది దందా...

పార్కింగ్ ఉచితమైనా ఒక్కో వాహనానికి వందల్లో వసూల్లు చేస్తున్నారు. శ్రీకాళహస్తీశ్వరాలయానికి వచ్చే భక్తుల నుంచి పార్కింగ్ పేరు చెప్పి పెద్ద మొత్తంలో సొమ్ములు వసూలు చేస్తూ దందాలకు పాల్పడుతున్న అధికారులు పట్టించుకోవడం లేదు. ఇక ఇతర రాష్ట్రాల నుంచి వచ్చే వాహనాల పార్కింగ్ పరిస్థితి మరింత దారుణం. అడిగినంత ఇవ్వకుంటే అడుగైనా ముందుకు కదలనివ్వడం లేదు.

చిత్తూరు జిల్లా శ్రీకాళహస్తీశ్వరాలయానికి వచ్చే భక్తులను కొందరు అక్రమార్కులు నిలువనా దోచేస్తున్నారు. పార్కింగ్ ఉచితమైనా ఒక్కొక్క వాహనానికి కి రూ.200 వరకు వసూలు చేస్తున్నారు. ఇతర రాష్ట్రాలు నుంచి వచ్చే వాహనాల రుసుములు పరిస్థితి అయితే ప్రత్యేకించి చెప్పనవసరం లేదు. పార్కింగ్ కోసం వాళ్ళ ఇష్టం వచ్చినంత డిమాండ్ చేస్తున్నారు. అడిగింది ఇవ్వకుంటే వాహనాలను ముందుకు పంపడం లేదు. పార్కింగ్ ఉచితమన్న ప్రచార సూచికలు లేక అక్రమార్కులు దందా కొనసాగుతుంది.

గతంలో టెండర్ దారులు నెలకు రూ. 13 లక్షల చొప్పున సంవత్సరానికి రూ.1. 56 కోట్ల ఆదాయాని చెల్లించేవారు. లాక్​డౌన్​ కాలంలో నష్టపోయిన టెండర్లు.. చెల్లించాల్సిన మొత్తాన్ని కొంతమేర చెల్లించలేదు. పాత టెండర్లకు సెప్టెంబర్​లో గడువు ముగిసింది. తాజాగా టెండర్లు నిర్వహించినప్పటికీ ఆదాయం రాని కారణంగా ఆలయ అధికారులు ఆ టెండర్లను రద్దు చేశారు.

ప్రస్తుతం అన్​లాక్​ ప్రక్రియ కొనసాగుతుండటం భక్తుల రద్దీ.. కొద్ది కొద్దిగా పెరుగుతుండటం మళ్లీ టెండర్లు నిర్వహణకు ఏర్పాట్లు సిద్ధం చేశారు. ఇంతలోనే కొందరు అక్రమార్కులు వాహనదారుల నుంచి నగదు వసూలు చేస్తున్నారు. అయినప్పటికీ ఆలయ అధికారులు పట్టించుకోవడం లేదు. అయితే ఒకటి రెండు రోజుల్లో టెండర్లు నిర్వహిస్తామని, ఆశించిన మేర ఆదాయం రాకుంటే ప్రత్యామ్నాయ చర్యలు చేపడతామని ఆలయ ఏసీ కృష్ణారెడ్డి తెలిపారు.

ఇవీ చూడండి...