తిరుపతి శ్రీ గోవిందరాజస్వామివారి బ్రహ్మోత్సవాల్లో ఆరో రోజున స్వామివారు హనుమంత వాహనంపై అభయమిచ్చారు. కరోనా కారణంగా ఆలయంలోనే ఏకాంతంగా వాహన సేవలను నిర్వహించారు. హనుమంతుడిపై ఆశీనులైన గోవిందరాజస్వామివారికి అర్చకులు వైదిక కార్యక్రమాలను జరిపారు.
సేవ అనంతరం స్వామి, అమ్మవార్లకు స్నపన తిరుమంజనంలో భాగంగా.. పాలు, పెరుగు, తేనె, కొబ్బరినీళ్ళు, ప‌సుపు, చందనంతో అభిషేకం చేశారు. సాయంత్రం 5 నుంచి 5.30 గంటల వరకు గజ వాహనంపై స్వామివారు దర్శనమివ్వనున్నారు.