తిరుమలలో ఆస్థానమండపంలోని దుకాణ సముదాయంలో జరిగిన అగ్ని ప్రమాదంలో వ్యక్తి సజీవ దహనమయ్యాడు. ఉదయం ఆరున్నర గంటల సమయంలో శ్రీవారి చిత్ర పటాలు విక్రయించే దుకాణంలో మంటలు చెలరేగాయి. కొద్ది సమయంలోనే వేగంగా మంటలు ఇతర షాపులకు వ్యాపించారు.. ఈ ఘటనలో 20 దుకాణాలు దగ్ధమయ్యాయి. అగ్నిమాపక సిబ్బంది ఘటనా స్థలానికి చేరుకుని మంటలను అదుపు చేశారు. శకలాలు తొలగిస్తుండగా షాపు నెం.84లో ఓ మృతదేహం లభ్యమైంది. మృతుడి వివరాలు ఇంకా తెలియాల్సి ఉంది. రూ.30 లక్షలకు పైగా నష్టం వాటిలిందని అగ్నిమాపక, తితిదే విజిలెన్స్ అధికారులు అంచనా వేశారు. ఆగ్నిప్రమాదంతో తాము నిండా మునిగి పోయామని బాధితులు వాపోయారు.
తిరుమలలో అగ్నిప్రమాదం