సంక్రాంతి సంబరాల్లో సినీ నటుడు మోహన్ బాబు కుటుంబం
చిత్తూరు జిల్లా చంద్రగిరి మండలం ఏ.రంగంపేట వద్ద శ్రీ విద్యానికేతన్ విద్యాసంస్థల ముందు... సినీ నటుడు, విద్యా సంస్థల యజమాని మంచు మోహన్ బాబు కుటుంబం సంక్రాంతి సంబరాలతో సందడి చేసింది. ఏటా పండుగ రోజున కుటుంబ సభ్యులంతా కలిసి శ్రీ విద్యానికేతన్ విద్యాసంస్థల్లో జరిగే సంక్రాంతి సంబరాల్లో పాల్గొనడం ఆనవాయితీగా వస్తోంది.
ఈ క్రమంలో కళాశాల ఎదుట భోగి మంటలు వేసి అందరికీ శుభాకాంక్షలు తెలిపారు. ప్రజలంతా సుఖ సంతోషాలతో ఉండాలని.. తెలుగు సంస్కృతి సంప్రదాయాలను పాటిస్తూ.. వేడుకలు జరుపుకోవాలని మోహన్ బాబు కోరారు. కళాశాల విద్యార్థినీ విద్యార్థులు ఈ సంబరాల్లో పాల్గొన్నారు. అనంతరం కుటుంబ సభ్యులు అందరూ ప్రజలకు సంక్రాంతి శుభాకాంక్షలు తెలియజేశారు.