ఏ గ్రహణం వచ్చినా.. ఆ ఆలయం తెరిచే ఉంటుంది

గ్రహణ గండాలకు అతీతం చిత్తూరు జిల్లా శ్రీకాళహస్తీశ్వర ఆలయం. ఈ దేవాలయానికి ఎటువంటి గ్రహణాలు వర్తించవు. ఇక్కడ స్వామి వారు 27 నక్షత్రాలు, నవగ్రహాలను కవచంగా ధరించి ఉండడంతో ఎటువంటి గ్రహణాలు ఈ ఆలయానికి వర్తించవు.

ఎప్పుడు ఏ గ్రహణం వచ్చినా దాదాపు అన్ని దేవాలయాలు మూసివేస్తారు. గ్రహణం అనంతరం ఆలయశుద్ధి చేసి తిరిగి తెరుస్తారు. చిత్తూరు జిల్లాలోని శ్రీకాళహస్తీశ్వర స్వామి దేవాలయం ఇందుకు భిన్నం. గ్రహణం రోజు ఈ ఆలయం తెరిచేఉంటుంది.

గ్రహణ కాల సమయంలో దేశంలోని అన్ని ఆలయాల మూతపడినా.. రాహు కేతు సర్ప దోష నివారణ క్షేత్రంగా ప్రసిద్ధి గాంచిన శ్రీకాళహస్తీశ్వర ఆలయం మాత్రం తెరచే ఉంచుతారు. ఇక్కడ స్వామి వారు 27 నక్షత్రాలు, నవగ్రహాలను కవచంగా ధరించి ఉండడంతో ఎటువంటి గ్రహాణాలు ఈ ఆలయానికి వర్తించవు.

గ్రహణ కాలంలో స్వామి అమ్మవార్లకు ప్రతేక అభిషేకాలు నిర్వహిస్తారు. గ్రహణం రోజున స్వామి, అమ్మవారిని దర్శించుకోవడంతోపాటు రాహు కేతు సర్ప దోష నివారణ పూజలు చేయించుకునేందుకు భక్తులు అధిక సంఖ్యలో ఆలయానికి తరలివస్తారు.

ఇదీ చదవండి:కొవిడ్​ బాధితులకు శ్మశానవాటికల్లో అంత్యక్రియలకు అడ్డంకులు