దాతల దాతృత్వం... పేదలకు నిత్యావసరాలు అందజేత

రాష్ట్రవ్యాప్తంగా లాక్​డౌన్ నిబంధన కట్టుదిట్టంగా కొనసాగుతోంది. ఈ నిబంధన కారణంగా ఉపాధి కోల్పోయిన వలసకూలీలు, పేదలు తీవ్ర ఇబ్బందులు పడుతున్నారు. వీరి అవస్థలను గమనించి కొందరు దాతలు సహాయం చేసేందుకు ముందుకు వస్తున్నారు. వారికి తోచినంత తోడ్పాటును అందిస్తూ బాసటగా నిలుస్తున్నారు.

కరోనా నియంత్రణలో భాగంగా అత్యవసర సేవలందిస్తున్న వారికి చిత్తూరు జిల్లా తంబళ్లపల్లెలో పలువురు దాతలు నిత్యావసరాలు పంపిణీ చేశారు. స్థానిక ఎమ్మెల్యే పెద్దిరెడ్డి ద్వారకనాథరెడ్డి ఆధ్వర్యంలో ఈ కార్యక్రమాన్ని నిర్వహించారు. ప్రజలందరూ ఇంట్లోనే ఉండి కరోనా వైరస్ వ్యాప్తిని నిరోధించాలని కోరారు.

ఇదీచదవండి.