ప్రభుత్వ భూములను తమ కుటుంబ సభ్యుల పేరు మీద మార్చుకొని(LAND SCAM) సీఐడీ విచారణ ఎదుర్కొంటున్న రమణ తెదేపా నేత అని ఉపముఖ్యమంత్రి నారాయణస్వామి(deputy cm narayana swami on land scam) ఆరోపించారు. తెదేపా హయాంలో జరిగిన భూ కబ్జాలపై పూర్తిస్థాయి విచారణ జరిపిస్తామని.. జిల్లాలో పదిహేను ఎకరాల అటవీ భూములను తెదేపా నేతలు కబ్జా చేశారని విమర్శించారు. తెదేపా నేతల భూ కబ్జాలపై స్పష్టమైన ఆధారాలు ఉన్నాయన్నారు. రమణ తరహాలోనే చాలా మంది తెదేపా నేతలు కబ్జాలకు పాల్పడ్డారని.. త్వరలోనే విచారణలో అసలు వాస్తవాలు వెలుగులోకి వస్తాయని తీసుకొస్తామన్నారు. నిందితులపై క్రిమినల్ కేసులు పెట్టి అరెస్టు చేస్తామన్నారు. తెదేపా నేతలపై పెడుతున్న క్రిమినల్ కేసులు కక్షసాధింపు కాదని మంత్రి స్పష్టం చేశారు. తెదేపా నేతల భూకబ్జాపై చంద్రబాబు వెంటనే సమాధానం చెప్పాలని డిమాండ్ చేశారు.
అసలు ఏం జరిగిందంటే..
రాష్ట్ర వ్యాప్తంగా సంచలనం సృష్టించిన చిత్తూరు జిల్లా భారీ భూ కుంభకోణం కేసులో సరికొత్త అంశాలు వెలుగులోకి వస్తున్నాయి. జిల్లాలోని 13 మండలాల్లో దాదాపు 2వేల 320 ఎకరాల భూములను తమ కుటుంబ సభ్యుల పేరుమీద మార్చుకొని రెవెన్యూ అధికారులకు దొరికిన వీఆర్వో గణేష్‌పిళ్లై…పలు అక్రమాలకు పాల్పడినట్లు సీఐడీ గుర్తించింది. 2005లో రెవెన్యూ దస్త్రాల కంప్యూటరీకరణ సమయంలో భూ కుంభకోణానికి తెరలేపినట్లు తేలింది.