మద్యం విక్రయాలను తక్షణమే నిలిపివేయాలని డిమాండ్ చేస్తూ సీపీఐ నాయకులు ధర్నా చేశారు. గురువారం మదనపల్లె పట్టణంలోని నీరుగట్టుపల్లె మార్కెట్ యార్డ్ ఎదురుగా ఉన్న మద్యం దుకాణం వద్ద నిరసన తెలిపారు.
ప్రజలు నిత్యావసర సరకులు దొరక్క ఇబ్బంది పడుతుంటే... ప్రభుత్వం వాటిపై దృష్టి పెట్టకుండా మద్యం విక్రయాలపై ఆసక్తి చూపడం దురదృష్టకరమన్నారు. ప్రజా ఆరోగ్యం దృష్ట్యా మద్యం విక్రయాలను తక్షణమే ఆపేయాలని డిమాండ్ చేశారు.