కరోనా తీవ్రత తగ్గింది. కేసుల సంఖ్య తగ్గుముఖం పట్టింది. కరోనా నుంచి కోలుకున్న వారిలో కొంతమంది అనారోగ్య సమస్యలతో బాధపడుతున్నారు. ఇలాంటి వారికి రాష్ట్రంలోనే తొలిసారిగా తిరుపతి రుయా ఆసుపత్రిలో పోస్ట్ కొవిడ్ వార్డు ఏర్పాటు చేసి చికిత్స అందిస్తున్నారు. చిత్తూరు జిల్లా వ్యాప్తంగా.. 80 వేల మంది కరోనా బారిన పడ్డారు. 790 మంది ప్రాణాలు కోల్పోయారు. మిగిలిన వారు కరోనా నుంచి కోలుకున్నారు.
కొవిడ్ కేర్‌ కేంద్రాలు, ఆసుపత్రుల్లో చికిత్స పొందిన వారితో పాటు హోమ్‌క్వారంటైన్‌లో ఉన్నవారు కరోనా అనంతరం ఇతర ఆరోగ్య సమస్యలతో బాధపడుతున్నట్లు అధికారులు గుర్తించారు. సాధారణ రోగులతో కలిపి అలాంటి వారికి చికిత్స అందించండం ద్వారా ఇబ్బందులు వస్తాయని భావించి ప్రత్యేకంగా ఓపీ ఏర్పాటు చేశారు. పోస్ట్ కొవిడ్ ఓపీ కేంద్రంలో కరోనా అనంతరం రోగి ఎదుర్కొంటున్న ఇబ్బందులపై చికిత్సతో పాటు మానసిక ధైర్యం కల్పించేలా ఏర్పాట్లు చేశారు.