చిత్తూరు జిల్లాలో కరోనా పాజిటివ్ కేసుల సంఖ్య రోజురోజుకు పెరిగిపోతోంది. సగటున రోజుకు 200కు పైగా పాజిటివ్ కేసులు నమోదవుతున్నాయి. గడిచిన 24 గంటల్లో 218 కేసులు నమోదైనట్లు అధికారులు ప్రకటించారు. జిల్లా వ్యాప్తంగా నమోదవుతున్న పాజిటివ్ కేసుల్లో అత్యధికంగా తిరుపతి, నగరి, పుత్తూరు, చిత్తూరు, శ్రీకాళహస్తి, మదనపల్లె, తిరుపతి గ్రామీణ ప్రాంతాల వారు ఉన్నారు.
తిరుపతి గ్రామీణ పరిధిలోని తిరుచానూరు, ఆవిలాల, శెట్టిపల్లె, పద్మావతిపురం గ్రామ పంచాయతీల్లో లాక్‌డౌన్‌ కొనసాగుతోంది. ఉదయం 7 గంటల నుంచి 11 గంటల వరకు నిత్యావసరాల కొనుగోలుకు మినహాయింపు ఇచ్చారు. తాజా కేసుల్లో తిరుపతి నగరంలో 119, పాకాల 13, మదనపల్లె -9, తిరుపతి గ్రామీణ-9, నగరి-7, చిత్తూరు- 5 లో నమోదయ్యాయి.