చిత్తూరు జిల్లా శ్రీకాళహస్తిలో పురపాలక సంఘం కమిషనర్ శ్రీనివాస్.... కరోనా పై ప్రయాణీకులకు అవగాహన కల్పించారు. మాస్కులు ధరించాలని సూచించారు. కరోనా పాజిటివ్ కేసులు రోజురోజుకు అధికమవుతుండటంతో ప్రజలు అప్రమత్తంగా ఉండాలని తెలిపారు.
శ్రీకాళహస్తికి అధిక సంఖ్యలో ప్రయాణీకులు రాకపోకలు సాగిస్తారు కాబట్టి కరోనా వేగంగా వ్యాప్తి చెందే అవకాశం ఉందన్నారు. దీన్ని దృష్టిలో పెట్టుకుని విధిగా మాస్కులు ధరించాలన్నారు. పట్టణంలోని పాఠశాలలను తనిఖీ చేసిన కమిషనర్ విధిగా కరోనా నిబంధనలు పాటించాలని చెప్పారు.