జిల్లాలో కరోనా పరిస్థితిపై మాట్లాడుతున్న కలెక్టర్ భరత్ గుప్తా
చిత్తూరు జిల్లాలో కొవిడ్ 19 వైద్య సేవలకు అన్ని సౌకర్యాలు కల్పిస్తున్నామని కలెక్టర్ నారాయణ భరత్ గుప్తా అన్నారు. ఇప్పటి వరకు జిల్లాలో 23 కేసులు నమోదు కాగా ఒకరు డిశ్చార్జి అయ్యారని తెలిపారు. తిరుపతిలో మాట్లాడిన ఆయన.. జిల్లా వ్యాప్తంగా 6 క్వారంటైన్ కేంద్రాలు ఏర్పాటుచేశామన్నారు. శ్రీకాళహస్తిలో పాజిటివ్ వచ్చిన వారు గడచిన రెండు వారాలుగా క్వారెంటైన్ ఉన్నారని తెలిపారు. ప్రస్తుతం జిల్లాలో పలమనేరు 3, శ్రీకాళహస్తి 5, ఏర్పేడు 1, తిరుపతి 6 , రేణిగుంట 2, నిండ్ర 1, నగరి 4 , వడమాల పేట 1 పాజిటివ్ కేసులు ఉన్నాయని కలెక్టర్ తెలిపారు. లాక్డౌన్ మే 3 వరకు కొనసాగిస్తామని, ప్రజలకు ఎలాంటి ఇబ్బంది లేకుండా అన్ని చర్యలు తీసుకున్నామన్నారు.