తెదేపా కార్యకర్తలపై కావాలనే తప్పుడు కేసులు: చంద్రబాబు

చిత్తూరు జిల్లా చంద్రగిరిలో తెదేపా కార్యకర్త రాకేశ్​పై తప్పుడు కేసులు పెట్టారని ఆ పార్టీ అధినేత చంద్రబాబు ఆరోపించారు. వైకాపా ప్రభుత్వం.. కక్ష సాధింపు చర్యలకు దిగుతోందని ఆగ్రహించారు.

గతంలో వైకాపాపై సామాజిక మాధ్యమాల్లో పోస్టులు పెట్టాడన్న అక్కసుతో తెదేపా కార్యకర్తపై కేసులు పెట్టడం దారుణమని ఆ పార్టీ అధినేత చంద్రబాబు మండిపడ్డారు.

కావాలనే.. ఇంటి పక్కవాళ్లతో తమ కార్యకర్త రాకేశ్​పై తప్పుడు ఫిర్యాదు చేయించారని ఆరోపించారు. గొడవ సమయంలో ఇంట్లో లేని వ్యక్తిపై లేనిపోని సెక్షన్ల కింద కేసులు పెట్టారన్నారు. రాకేశ్​పై కేసులు వెంటనే ఎత్తివేయాలని డిమాండ్ చేశారు.

ఇదీ చదవండి: