వైకాపా ప్రభుత్వంపై చంద్రబాబు ఆగ్రహం
రాష్ట్ర ప్రభుత్వం రాజధాని అమరావతి నిర్మాణానికిచ్చిన భూములను పేదల ఇళ్ల స్థలాల కోసం కేటాయించడం దారుణమని తెదేపా అధినేత చంద్రబాబు అన్నారు. పేదలకు ఇళ్ల స్థలాలివ్వాలంటే... భూములు కొనివ్వాలని సూచించారు. చిత్తూరు జిల్లా కుప్పంలో ప్రజా చైతన్య యాత్ర నిర్వహించారు. చెరువులు పూడ్చి మరీ పేదలకు భూములివ్వడం ఏంటని ప్రశ్నించారు. అస్సైన్డ్ భూములు తీసుకునే అధికారం ప్రభుత్వానికి ఎవరిచ్చారని నిలదీశారు. విశాఖలో ఆరు వేల ఎకరాల అసైన్డ్ భూములు లాక్కొన్నారని ఆగ్రహం వ్యక్తం చేశారు. వైకాపా ప్రభుత్వం పేద ప్రజలపై దాడి చేస్తోందని చంద్రబాబు ఆరోపించారు.