స్వచ్ఛసర్వేక్షణ్ -2020 ర్యాకింగ్స్ లో చిన్న, మధ్యతరహా నగరాల జాబితాలో తిరుపతి జాతీయ స్థాయిలో ఆరో ర్యాంక్లో నిలిచిందని తిరుపతి నగరపాలక సంస్థ కమిషనర్ పీఎస్ గిరీషా తెలిపారు. లక్ష నుంచి 10లక్షల జనాభా నగరాల జాబితాలో తిరుపతి ఈ ర్యాంక్ ను కైవసం చేసుకుందన్నారు. ఈ కేటగిరీలో రాష్ట్రంలోనే తిరుపతిది ప్రథమ స్థానమన్న కమిషనర్....సుస్థిరాభివృద్ధి నగరాల జాబితాలో దేశంలోనే ప్రథమస్థానం కైవసం చేసుకోవటం సంతోషంగా ఉందన్నారు.
తిరుగిరి...స్వచ్ఛసిరి.. ఆనందమే మరి! - tirupathi news
తిరుపతికి స్వచ్ఛ సర్వేక్షణ్-2020 పోటీలో జాతీయ స్థాయిలో ఆరో ర్యాంకు రావడం గర్వకారణమని ఎమ్మెల్యే కరుణాకరరెడ్డి పేర్కొన్నారు. నగరపాలిక కార్యాలయంలో కమిషనర్ గిరీషతో కలిసి ఆయన సంబరాల్లో పాల్గొన్నారు. తిరుపతి స్వచ్ఛతలో జాతీయ స్థాయిలో ఆరో ర్యాంక్ సాధించటంతో...నగరపాలికలోని అన్ని విభాగాల అధికారులు సంతోషంతో కేకులు కోసి, బాణసంచా పేల్చి సంబరాలు జరుపుకొన్నారు.
తిరుపతి నగరపాలిక కార్యాలయంలో సంబరాలు
పారిశుద్ధ్య కార్మికులు, నగరపాలక సంస్థ అధికారుల సమిష్ఠి కృషితోనే ఈ ర్యాంక్ సాధ్యమైందని ఎమ్మెల్యే భూమన కరుణాకరరెడ్డి ప్రశంసించారు. నగరపాలిక కార్యాలయంలో ఎమ్మెల్యే కరుణాకరరెడ్డి, నగరపాలిక కమిషనర్ పి.ఎస్‌.గిరీషా సమక్షంలో అధికారులు, ఉద్యోగులు సంబరాలు జరుపుకున్నారు.
ఇవీ చదవండి:స్వచ్ఛ సర్వేక్షణ్‌లో రాష్ట్రానికి 'స్వచ్ఛ కిరీటాలు'