కర్లగట్ట గ్రామంలో ఘనంగా పశువుల పండుగ

చిత్తూరు జిల్లాలో సంక్రాంతి పండుగ వాతవరణం ముందుగానే వచ్చింది. శాంతిపురం మండలం కర్లగట్ట గ్రామంలో పశువుల పండుగను ఘనంగా నిర్వహించారు. ఇతర రాష్ట్రాల నుంచి తీసుకొచ్చిన వందలాది పశువులు ఈ పోటీల్లో పాల్గొన్నాయి.

శాంతిపురం మండలం కర్లగట్ట గ్రామంలో పశువుల పండుగను ఘనంగా ప్రారంభించారు. ఏటా సంక్రాంతికి పశువుల పండుగను నిర్వహిస్తారు. ఈ సందర్భంగా పశువులకు పోటీలు నిర్వహించారు. తక్కువ సమయంలో గమ్యాన్ని చేరుకునే పశువుల యజమానులకు బహుమతులు ప్రకటించారు. పోటీల్లో పాల్గొనేందుకు తమిళనాడు, కర్ణాటక ప్రాంతాల నుంచి వందలాది సంఖ్యలో పశువులను తీసుకొచ్చారు. ఈ పోటీలను వీక్షించేందుకు అధిక సంఖ్యలో ప్రజలు తరలివచ్చారు.

ఇదీ చూడండి: 'రైతులకు పశువులు దూరం-కరవే కారణం'