పేకాట స్థావరంపై పోలీసుల దాడి.. 16 మంది అరెస్ట్

చిత్తూరు జిల్లా బొమ్మకపల్లి సమీపంలో పేకాట ఆడుతున్న 16 మందిని పోలీసులు అదుపులోకి తీసుకున్నారు. వారి నుంచి రూ. 32వేలు స్వాధీనం చేసుకున్నారు.

చిత్తూరు జిల్లా తంబళ్లపల్లె నియోజకవర్గం పెద్దతిప్ప సముద్రం మండలం బొమ్మకపల్లి సమీప పొలాల్లో పేకాట స్థావరంపై పోలీసులు దాడిచేశారు. పేకాట స్థావరంలో ఉన్న 16 మందిని అదుపులోకి తీసుకున్నారు. వారి నుంచి రూ. 32,610లు స్వాధీనం చేసుకున్నారు. ఎస్.​ఐ సుబ్బారెడ్డి ఆధ్వర్యంలో ఈ దాడులు జరిగాయి.