తిరుమల మార్గంలో పిట్టగోడను ఢీకొట్టిన కారు...

తిరుమల మొదటి కనుమ వద్ద పెను ప్రమాదం తప్పింది. ఓ కారు అదుపు తప్పి పిట్టగోడను ఢీకొట్టింది. ఈ ఘటనలో నలుగురు భక్తులు గాయపడ్డారు.

తిరుమల మొదటి కనుమలో కారు అదుపు తప్పి పిట్టగోడను ఢీ కొట్టింది. ప్రమాదంలో కర్ణాటకు చెందిన నలుగురు భక్తులకు స్వల్ప గాయాలయ్యాయి. శ్రీవారి దర్శనం అనంతరం.. కొండ దిగే సమయంలో కారు అదుపు తప్పింది. పిట్టగోడను కారు బలంగా ఢీకొట్టడంతో ముందు చక్రం ఊడిపోయింది. గాయపడిని నలుగురిని రుయా ఆసుపత్రికి తరలించారు. ట్రాఫిక్​కు ఎటువంటి అంతరాయం కలగకుండా తితిదే భద్రతా సిబ్బంది వాహనాన్ని తొలగించారు.

ఇదీ చదవండి: ఆర్టీసీకి రూ. 10వేల జరిమానా వేసిన తిరుపతి మున్సిపల్‌ కమిషనర్‌