తమిళనాట జల్లికట్టు, ఆంధ్రప్రదేశ్లో పశువుల పండగగా పిలుచుకునే ఉత్సవం.. చిత్తూరు జిల్లా చంద్రగిరి మండలం కొత్తశానంబట్లలో ఈ రోజు ప్రారంభమైంది. తరతరాలుగా నిర్వహించుకునే వేడుక కోసం ఉదయాన్నే పశువులను పూజించి.. వాటి కొమ్ములకు నిర్వాహకులు రంగులు అద్దారు. పోలీసుల హెచ్చరికలు లెక్కచేయకుండా.. దేవుళ్లు, రాజకీయ, సినీ ప్రముఖుల చిత్రపటాలు వాటి కొమ్ములకు కట్టి రంగంలోకి దించారు. డప్పుల మోతకు ఎద్దులు పరుగెడుతుంటే.. వాటిని నిలువరించేందుకు రోడ్డుకు ఇరువైపులా యువకులు బారులు తీరి పోటీ పడ్డారు. వారిలో కొందరు పలకలు దక్కించుకుని కేరింతలు కొట్టారు.
కొత్తశానంబట్లలో పశువుల పండగ