అనిశా కార్యాలయంలో అవినీతి.. నిందితురాలి అరెస్టు

తిరుపతి అనిశా కార్యాలయంలో జరిగిన అవినీతి ఘటనలో నిందితురాలిని పోలీసులు అరెస్టు చేశారు. శాఖకు సంబంధించిన నగదును ఆమె ఉపసంహరించుకొని అక్రమానికి పాల్పడిందని ఉన్నతాధికారులు తెలిపారు.

తిరుపతి అవినీతి నిరోధక శాఖలో జరిగిన అవినీతి ప్రస్తుతం తీవ్ర చర్చనీయాంశంగా మారింది. కార్యాలయంలో జూనియర్ అసిస్టెంట్​గా విధులు నిర్వహిస్తున్న ఓ ఉద్యోగిని.. డిపార్ట్​మెంట్​కు సంబంధించిన నగదు గోల్​మాల్​కు పాల్పడుతున్నట్లు ఉన్నతాధికారులు గుర్తించారు. గడిచిన మూడేళ్లుగా.... ఏసీబీ రహస్య సర్వీసుల రివార్డులకు సంబంధించిన ఖాతాలో రూ.పది లక్షలను దశలవారీగా ఉపసంహరించుకున్నారు. చెక్​లపై నగదుకు సంబంధించిన సంఖ్యలను మార్చుతూ అవినీతికి పాల్పడ్డారు. ఈ అంశంపై ఏసీబీ అధికారులు ఎమ్.ఆర్.పల్లి పోలీస్ స్టేషన్​లో ఫిర్యాదు చేశారు. కేసు నమోదు చేసుకున్న పోలుసులు నిందితురాలిని అరెస్ట్ చేసి రిమాండ్​కు తరలించారు. పోలీసులు విచారణలో ఆమె.. తన నేరాన్ని అంగీకరించిందని అధికారులు తెలిపారు.

ఇదీచదవండి.