ఊరిని బ్యాంకుకు తాకట్టు పెట్టేశాడు....
చిత్తూరు జిల్లా కేవీబీపురం మండలం ఆరె పంచాయతీ పరిధి జ్ఞానమ్మకండ్రిగలో 150 కుటుంబాల వారు సుమారు ఆరు ఎకరాల విస్తీర్ణంలో నివాసముంటున్నారు. ఇందులో 30 కుటుంబాల వారు వారి ముత్తాతలనాటి భూమిలో ఇళ్లు నిర్మించుకుని గత 50 ఏళ్లుగా ఉంటున్నారు. ఇది ఆరె రెవెన్యూ పరిధిలో సర్వే నెంబర్ 204/11లో 1.53 ఎకరాల భూమిలో ఈ నివాసాలున్నాయి. దీనిని గ్రామానికి చెందిన ఓ వ్యక్తి అడ్డదారిలో పట్టాదారు పాసు పుస్తకం చేసుకుని ఆన్‌లైన్‌లో తనపేరు మీద మార్చుకున్నారు. అంతేకాకుండా ఆ భూమిని పట్టాదారు పాసు పుస్తకంలో ఎక్కించుకుని పలు బ్యాంకుల్లో నిబంధనలకు విరుద్ధంగా రుణం తీసుకున్నాడు.