రాష్ట్రంలో 24 గంటల నాణ్యమైన విద్యుత్‌ అందిస్తున్నామన్న కేసీఆర్... తెలంగాణ అనుసరిస్తున్న ప్రణాళిక దేశంలో చర్చకు కేంద్ర బిందువైందని చెప్పారు. నీటిపారుదల... వ్యవసాయ శాఖలకు బడ్జెట్లో అధిక నిధులు కేటాయించారు.
శాసనసభలో మాట్లాడుతున్న కేసీఆర్
'లక్షా ఎనభైవేల కోట్లతో తెలంగాణ బడ్జెట్'
తెలంగాణ శాసనసభలో ఆ రాష్ట్ర ముఖ్యమంత్రి కేసీఆర్ ఓటాన్‌ అకౌంట్‌ బడ్జెట్ ప్రవేశపెట్టారు. తక్కువ సమయంలోనే ఎక్కువ అభివృద్ధి, సంక్షేమ పథకాలు ప్రవేశపెట్టామని పేర్కొన్నారు.
శాసనసభలో మాట్లాడుతున్న కేసీఆర్
కేటాయింపులు...
రైతు బంధు - రూ.12 వేల కోట్లు... రైతు బీమా - రూ.650 కోట్లు... వ్యవసాయ శాఖ -రూ.20,107 కోట్లు... నీటిపారుదలశాఖ – రూ.22,500 కోట్లు... ఆసరా పింఛన్లు - రూ.12,067 కోట్లు... బియ్యం రాయితీ - రూ.2,744 కోట్లు... కల్యాణ లక్ష్మి, షాది మూబారక్‌ - రూ.1450 కోట్లు... నిరుద్యోగ భృతి - రూ.1810 కోట్లు... మైనార్టీ సంక్షేమం - రూ.2004 కోట్లు... రైతు రుణమాఫీ - రూ.6 వేల కోట్లు... షెడ్యూలు కులాల ప్రగతి నిధి - రూ.16,581 కోట్లు... షెడ్యూలు తెగల ప్రగతి నిధి - రూ.9,827 కోట్లు... ఎంబీసీ కార్పొరేషన్‌ - రూ.వెయ్యి కోట్లు కేటాయించారు.
బడ్జెట్ స్వరూపం...
2019-20 ఆర్థిక సంవత్సరానికి రూ.1,82,017 కోట్లతో ఓటాన్‌ అకౌంట్‌ బడ్జెట్ ప్రవేశపెట్టారు.
రెవెన్యూ వ్యయం -రూ.1,31,629 కోట్లు
మూలధన వ్యయం రూ.32,815 కోట్లు
రెవెన్యూ మిగులు రూ.6,564 కోట్లు
ఆర్థిక లోటు అంచనా రూ.27,749 కోట్లు