ఎన్నికల సమరం దగ్గరపడుతున్నవేళ... ప్రచారాన్ని పరుగులు పెట్టించేందుకు తెదేపా ప్రణాళిక సిద్ధం చేసింది. సినీనటులు, సీనియర్రాజకీయ నాయకులతో పాటు అధికార పార్టీ ప్రతినిధులతో స్టార్ క్యాంపెయినర్లజాబితాను తయారుచేసింది. వీలైనన్ని ఎక్కువ ప్రాంతాల్లో ఈ స్టార్ క్యాంపెయినర్లు రాష్ట్ర మొత్తం పర్యటనలు చేయనున్నారు. ఐదేళ్లుగా ఏపీలో తెదేపా ప్రభుత్వం చేపట్టిన సంక్షేమ పథకాలను వివరించి ప్రజలను చైతన్యం పరచడమే లక్ష్యంగా ప్రచారం చేయనున్నారు.
శ్రీకాకుళం నుంచి లోకేశ్ ప్రచారం
సార్వత్రిక ఎన్నికల్లో పోటిచేస్తున్న అధినేత చంద్రబాబు, పార్టీ జాతీయ ప్రధాన కార్యదర్శి నారా లోకేష్, హిందూపురం ఎమ్మెల్యే నందమూరి బాలకృష్ణ ఈ జాబితాలో ఉన్నారు. అధినేత చంద్రబాబు ఇప్పటికే రాష్ట్రం మొత్తం తిరుగుతూ ప్రచారం చేస్తుండగా... త్వరలోనే బాలకృష్ణ రంగంలోకి దిగనున్నారు. ఈ నెల 26 నుంచి మంత్రి లోకేశ్... జిల్లాల్లో పర్యటించనున్నారు. 26న శ్రీకాకుళం, విజయనగరం జిల్లాలో ప్రచారం చేస్తారు. స్టార్ క్యాంపెయినర్గా తన తొలి ఎన్నికల ప్రచారాన్ని శ్రీకాకుళం జిల్లా మందస మండలం నుంచే మొదలుపెడతారు.
వంగవీటి రంగాకు చోటు
ప్రత్యక్ష ఎన్నికల్లో పోటీచేయని సిట్టింగ్ ఎంపీలు, ఎమ్మెల్సీలు, కార్పోరేషన్ చైర్మన్లు, అధికార ప్రతినిధులను స్టార్ క్యాంపెయినర్ల జాబీతాలో చేర్చారు. ఇటివలే పార్టీలో చేరిన వంగవీటి రాధాకు చోటు కల్పించారు. సినీయర్ నేతలు యనమల రామకృష్ణుడు, సుజానా చౌదరి... తెదేపా అభ్యర్థుల తరపున ప్రచారం చేస్తారు. సినీరంగానికి చెందిన పార్టీ నేతలు మురళీ మోహన్, దివ్యవాణి, అంబికా కృష్ణ, రేవతి తదితరులు పార్టీ ప్రచారానికి ప్రత్యేక ఆకర్షణగా నిలవనున్నారు. వీరితో పాటు నేతలు ఫరూక్, వర్ల రామయ్య, జూపూడి ప్రభాకర్ , నాగుల్ మీరా, లంకా దినకర్, గొనుగుంట్ల కొటేశ్వరరావు, వైవీబీ రాజేంద్రప్రసాద్, పంచుమర్తి అనురాధ, బుద్దా వెంకన్న, పోతుల సునీత, కాకి గోవింద రెడ్డి, బీటీ నాయుడు, దువ్వారపు రామారావు, వేమూరి ఆనంద సూర్య, గుంటుపల్లి నాగేశ్వరరావు, దేవళ్ల మురళీ, పరుచూరి అశోక్ బాబు, విజయ భారతి, చలమలశెట్టి రామాంజనేయులు, హిదాయాత్ లు ఆయా సామాజిక వర్గాలను ఆకట్టుకుని పార్టీ గెలుపనకు కృషి చేయనున్నారు. మొత్తంగా 30 మందితో జాబితా తయారుచేసిన తెదేపా నాయకత్వం... విస్తృత ప్రచారానికి సర్వ సన్నద్ధమైంది.