రాష్ట్రవ్యాప్తంగా భానుడు భగ్గుమంటున్నాడు. రికార్డు స్థాయి ఉష్ణోగ్రతలు, వడగాల్పుల తీవ్రత అల్లాడిస్తున్నాయి..ఇంటి నుంచి బయటకు రావాలంటే జనం బెంబేలెత్తిపోతున్నారు. వివిధ జిల్లాలో ఇప్పటి వరకు వడదెబ్బకు 9 మంది చనిపోయారు. ఒక్క తూర్పుగోదావరిలోనే నలుగురి మరణించారు. సోమవారం గరిష్టంగా కృష్ణాజిల్లా దొనబండలో 46.8 డిగ్రీల ఉష్ణోగ్రత నమోదైంది. ఈ నెల 10 నుంచి ఎండల తీవ్రత మరింత పెరిగే అవకాశం ఉందని వాతావరణ కేంద్రం, విపత్తు నిర్వహణ సంస్థ వివరించాయి. కోస్తా, రాయలసీమ ప్రాంతాల్లో వడగాల్పుల ప్రభావం అధికంగా ఉంటుందని...ప్రజలు అప్రమత్తంగా ఉండాలని సూచించాయి.
భానుడి భగభగలు...విలవిల్లాడుతున్న జనాలు