'చట్టపరిధిలోనే చంద్రబాబుకు భద్రత కల్పించాం'

ప్రతిపక్ష నేత చంద్రబాబు భద్రత విషయంలో వ్యక్తిగత నిర్ణయాలు తీసుకోలేదని హోంమంత్రి మేకతోటి సుచరిత తెలిపారు. చట్టపరిధిలో నిర్ణయం తీసుకున్నా కొందరు కావాలనే రాద్దాంతం చేస్తున్నారని విమర్శించారు.

ప్రతిపక్ష నేత చంద్రబాబుకు భద్రత తగ్గింపు అంశంపై హోం మంత్రి మేకతొటి సుచరిత స్పందించారు. చట్ట పరిధిలోనే ఆయనకు భద్రత ఇవ్వడం జరిగిందని తెలిపారు. ఏ కేటగిరి వ్యక్తులకు ఎంత భద్రత ఇవ్వాలనేది భద్రతా సమీక్షా కమిటీ నిర్ణయిస్తుందని వివరించారు. ఎవరూ కక్షపూరిత నిర్ణయం తీసుకోలేదని స్పష్టం చేశారు. దీనిపై కొందరు కావాలనే రాజకీయం చేస్తున్నారని ఆమె మండిపడ్డారు.