వీవీ ప్యాట్లు లెక్కించకపోతే.. ప్రజాస్వామ్యానికే ప్రమాదం: సీఎం

వీవీ ప్యాట్ల లెక్కింపులో కేంద్ర ప్రభుత్వం అలసత్వం ప్రదర్శిస్తోందని ముఖ్యమంత్రి చంద్రబాబు అసహనం వ్యక్తం చేశారు. దేశవ్యాప్తంగా 22 పార్టీలు ముక్తకంఠంతో వీవీ ప్యాట్లను లెక్కించమని కోరితే వారు పట్టించుకోవడం లేదన్నారు. ఈ చర్య వల్ల ప్రజాస్వామ్యం ప్రమాదంలో పడే అవకాశం ఉందని ఈటీవీ భారత్​కు ఇచ్చిన ఇంటర్వ్యూలో చంద్రబాబు తెలిపారు.

ఒక్కో అసెంబ్లీ నియోజకవర్గంలో 5 వీవీప్యాట్‌ స్లిప్పులు లెక్కించాలన్న సుప్రీంకోర్టు ఆదేశంపై తెదేపా అధినేత చంద్రబాబు స్పందించారు. అన్ని అంశాలు పరిశీలించిన తర్వాత... ఏలా ముందుకెళ్లాలనే అంశాన్ని పరిశీలిస్తామన్నారు.

ఓ వైపు వీవీ ప్యాట్​లను లెక్కించాలంటూనే... ఆ అంశం ఎన్నికల కమిషన్ పరిధిలో ఉంటుందనటం సమంజసం కాదన్నారు. 50 శాతం వీవీ ప్యాట్​లను లెక్కించడానికి వారం పడుతుందని ఎన్నికల సంఘం అనడం సరికాదన్న చంద్రబాబు... ఈ విషయంలో సుప్రీంకోర్టు సలహాలు తీసుకోవాలన్నారు. అంతేగానీ ఇష్టానుసారంగా వ్యవహరిస్తే.. ప్రజాస్వామ్యానికి ప్రమాదకరంగా మారుతుందన్నారు.

ఇదీ చదవండి