ఒకే విమానంలో హస్తినకు ప్రయాణం
ప్రధానమంత్రి నరేంద్ర మోదీ ప్రమాణ స్వీకారానికి గవర్నర్ నరసింహన్తో పాటు తెలంగాణ ముఖ్యమంత్రి కేసీఆర్, వైకాపా అధినేత జగన్మోహన్ రెడ్డి ఒకే విమానంలో విజయవాడ నుంచి దిల్లీకి వెళ్లే అవకాశాలున్నట్లు తెలుస్తోంది. అయితే కేసీఆర్ హస్తినకు వెళ్లడంపై ఇప్పటివరకు స్పష్టత రాలేదు. దీనిపై మరికొద్ది గంటల్లో పూర్తి వివరాలు తెలియనున్నాయి. 30న రాత్రి ఏడు గంటలకు ప్రధానిగా మోదీ ప్రమాణ స్వీకారం చేయనున్నారు. ఈ కార్యక్రమానికి నరసింహన్, కేసీఆర్, జగన్కు ఆహ్వానం అందింది.