సీఎం నివాసం వద్ద సందడి

ఓ వైపు కార్యకర్తలు, మరోవైపు ఆశావహుల రాకతో సీఎం నివాసం వద్ద సందడి నెలకొంది. రోజూ వేల మంది ముఖ్యమంత్రి నివాసానికి చేరుకుంటున్నారు.

అమరావతిలోని చంద్రబాబు నివాసం నిత్యం నాయ‌కులు, కార్య‌క‌ర్త‌ల‌తో కిట‌కిట‌లాడుతోంది. ఉద‌యం 9 గంట‌లు అయిందంటే చాలు సీఎం నివాసం కోలాహలంగా మారుతోంది. రోజుకి రెండు పార్లమెంట్ నియోజ‌క‌వ‌ర్గాల‌పై సీఎం స‌మీక్షలు జ‌రుపుతున్నందున కార్యక‌ర్తల తాకిడి వీప‌రీతంగా ఉంది. రోజూ రెండు, మూడు వేల‌మంది ముఖ్యమంత్రిని నివాసానికి చేరుకుని ఏదో ఓ స‌మ‌యంలో చంద్రబాబును క‌ల‌సి త‌మ నాయ‌కుల‌కు టికెట్ లు ఇవ్వాల‌ని కోరుతున్నారు. ఆ నాయ‌కుడిపై అసంతృప్తి ఉన్నా నేరుగా చంద్రబాబు దృష్టికే తీసుకెళ్తున్నారు. అందరి అభిప్రాయాన్ని తెదేపా అధినేత ప‌రిగ‌ణ‌నలోనికి తీసుకుంటున్నారు. ఒక వేళ టికెట్ మార్చితే...ఏ ప‌రిస్ధితుల్లో మార్చాల్సి వ‌స్తుందో క్యాడర్​కు కార‌ణాలు తెలుపుతున్నారు. ఒకే సారి వేల మంది నాయ‌కులు, కార్య‌క‌ర్త‌లు వ‌స్తున్నందున వారి వాహ‌నాల‌తో సీఎం నివాసం వ‌ద్ద భారీగా ట్రాఫిక్ జాం అవుతోంది. కనుచూపు మేరంతా వాహనాలు బారులు తీరి ఉంటున్నాయి.