సీఎంగా జగన్ ప్రమాణ స్వీకారానికి కేసీఆర్, స్టాలిన్

రాష్ట్ర ముఖ్యమంత్రిగా జగన్ ప్రమాణ స్వీకారం చేయనున్న కార్యక్రమానికి హాజరయ్యేందుకు.. రాజకీయ ప్రముఖులు విజయవాడ తరలిరానున్నారు.

రాష్ట్ర నూతన ముఖ్యమంత్రిగా.. వైకాపా శాసనసభాపక్ష నేత జగన్.. గురువారం ప్రమాణ స్వీకారం చేయబోతున్నారు. తెలంగాణ ముఖ్యమంత్రి కేసీఆర్.. ఈ కార్యక్రమానికి హాజరుకానున్నారు. ఉదయం 11 గంటలకు గన్నవరం చేరుకోనున్న కేసీఆర్.. 11 గంటల 25 నిముషాలకు గేట్ వే హోటల్ కు వెళ్తారు. మధ్యాహ్నం 12 గంటల 8 నిముషాలకు ఇందిరాగాంధీ మైదానం చేరుకుంటారు. ముఖ్యమంత్రిగా జగన్ ప్రమాణ స్వీకారం చేసిన అనంతరం.. గన్నవరం నుంచి దిల్లీ వెళ్తారు. మరోవైపు.. తమిళనాడు డీఎంకే అధ్యక్షుడు స్టాలిన్ సైతం... జగన్ ప్రమాణ స్వీకారానికి రావడం.. ఖరారైంది.