'ముందుగానే వీవీప్యాట్ల లెక్కింపు'.. కుదరదు: హైకోర్టు
సార్వత్రిక ఎన్నికల ఓట్ల లెక్కింపులో.. ముందుగా వీవీ ప్యాట్లనే లెక్కించాలంటూ దాఖలైన పిటిషన్ను హైకోర్టు తోసిపుచ్చింది.
highcourt
ఓట్ల లెక్కింపు అంశంపై దాఖలైన పిటిషన్ మీద... హైకోర్టులో వాదనలు ముగిశాయి. ఈవీఎంల కంటే ముందే వీవీప్యాట్లు లెక్కించాలన్న పిటిషన్ను న్యాయస్థానం తోసిపుచ్చింది. ఈ అంశంపై... న్యాయవాది బాలాజీ వేసిన హౌస్‌మోషన్ పిటిషన్ మీద.. మంగళగిరిలోని న్యాయమూర్తి జస్టిస్ శ్యామ్‌ప్రసాద్ నివాసంలో దాదాపు 5 గంటలపాటు వాదనలు కొనసాగాయి. ఓట్ల లెక్కింపులో పొరపాటు జరిగే అవకాశం లేదన్న ఈసీ తరఫు న్యాయవాది వాదనతో.. న్యాయమూర్తి ఏకీభవించారు. తక్కువ సమయం ఉన్నందున ఎలాంటి ఆదేశాలు ఇవ్వలేమని స్పష్టం చేశారు. పిటిషన్ను తోసిపుచ్చారు.