నేడు రాష్ట్రానికి గవర్నర్ రాక

నేడు గవర్నర్ నరసింహన్ అమరావతి రానున్నారు. రేపు వైకాపా అధినేత జగన్ మోహన్​రెడ్డి చేత ముఖ్యమంత్రిగా ప్రమాణస్వీకారం చేయించనున్నారు.

తెలుగురాష్ట్రాల గవర్నర్ నరసింహన్ నేడు రాష్ట్రానికి రానున్నారు. రేపు ముఖ్యమంత్రిగా జగన్ ప్రమాణస్వీకారం చేయనుండటంతో ఒకరోజు ముందుగానే ఆయన రాష్ట్ర పర్యటనకు విచ్చేస్తున్నారు. నేడు సాయంత్రం జగన్ గవర్నర్​ను మర్యాదపూర్వకంగా కలవనున్నారు. తెలంగాణ ముఖ్యమంత్రి కేసీఆర్ కూడా ప్రమాణస్వీకారానికి హాజరుకానున్నారు. అనంతరం గవర్నర్ , కేసీఆర్, జగన్​లు ఒకే విమానంలో ప్రధాని మోదీ ప్రమాణ స్వీకారానికి బయల్దేరనున్నారు.
దుర్గమ్మ దర్శనం
ఈనెల 29 , 30 తేదిల్లో గవర్నర్ నరసింహాన్, కేసీఆర్ , డీఎంకే అధినేత స్టాలిన్ వంటి ప్రముఖులతో పాటు నూతన ముఖ్యమంత్రి జగన్ మోహన్​రెడ్డితో కలసి విజయవాడ దుర్గమ్మను దర్శించుకోనున్నారు. దింతో ఇంద్రకీలాద్రిపై అధికారులు పటిష్ఠ భద్రతను ఏర్పాటు చేశారు.