అంబులెన్స్​ వెళ్తుంటే.. సీఎం జగన్ ఏం చేశారంటే?

ముఖ్యమంత్రి కాన్వాయ్ కన్నా రోగి ప్రాణాలే మిన్న అని నిరూపించారు ముఖ్యమంత్రి జగన్. అత్యవసర చికిత్స కోసం రోగిని తరలిస్తున్న అంబులెన్స్​కు దారి ఇవ్వాలని భద్రతా సిబ్బందిని ఆదేశించారు.

ముఖ్యమంత్రి జగన్ మానవత్వాన్ని చాటుకున్నారు. గుంటూరు జిల్లా తాడేపల్లిలోని తన నివాసం నుంచి గన్నవరం విమానాశ్రయానికి వెళ్తున్న సమయంలో... బెంజ్ సర్కిల్ రాగానే ఓ ప్రైవేట్​ అంబులెన్స్ వచ్చింది. ముఖ్యమంత్రి కాన్వాయ్ అంబులెన్స్​కు దారి ఇచ్చి ఆసుపత్రికి వెళ్లేందుకు సహకరించింది. సీఎం కాన్వాయ్ వస్తోందని బెంజ్ సర్కిల్ పోలీసు సిబ్బంది ట్రాఫిక్​ను నిలిపివేశారు. బందరు రోడ్ నుంచి వస్తున్న అంబులెన్స్ కూడా అదే సమయంలో అక్కడికి చేరుకోగా... దాన్ని గమనించిన ముఖ్యమంత్రి జగన్.. దారి ఇవ్వాల్సిందిగా సిబ్బందిని ఆదేశించారు. దీంతో రోగిని సకాలంలో ఆసుపత్రికి తరలించగలిగారు.