మోదీ 'దాడి'కి ఇది మరో ఉదాహరణ: చంద్రబాబు

లఖ్‌నవూ విమానాశ్రయంలో ఉత్తరప్రదేశ్ మాజీ ముఖ్యమంత్రి అఖిలేశ్‌యాదవ్​ను భద్రతాసిబ్బంది అడ్డుకోవడం దారుణమని ముఖ్యమంత్రి చంద్రబాబు అన్నారు.

రాజకీయ ప్రత్యర్థులపై ప్రధాని మోదీ చేస్తున్న దాడికి ఇది మరో ఉదాహరణ అని చంద్రబాబు అభిప్రాయపడ్డారు. కేంద్రం వైఖరి, లఖ్‌నవూ విమానాశ్రయ భద్రతా సిబ్బంది తీరును ఖండించారు. ప్రజాస్వామ్యం నిజంగానే ప్రమాదంలో పడిందని వ్యాఖ్యానించారు. అనంతరం.. అఖిలేశ్​తో ముఖ్యమంత్రి చంద్రబాబు ఫోన్​లో మాట్లాడారు. ధర్మపోరాటదీక్షకు హాజరు కాకపోయినా తన మద్దతు ఉంటుందని బాబుకు అఖిలేశ్ చెప్పారు. త్వరలో సమావేశమై మరిన్ని అంశాలపై చర్చించాలని ఇరువురు నేతలు నిర్ణయించారు.