కేజ్రీవాల్​పై దాడితో.. 'వారి ఓటమి' ఖాయమైపోయింది!

దిల్లీలో ఎన్నికల ప్రచారం చేస్తున్న సీఎం కేజ్రీవాల్​పై జరిగిన దాడిని.. సీఎం చంద్రబాబు తీవ్రంగా తప్పుబట్టారు. దిల్లీ పోలీసులు కఠిన చర్యలు తీసుకోవాలంటూ ట్వీట్ చేశారు.

దిల్లీ ముఖ్యమంత్రి అరవింద్ కేజ్రీవాల్​పై జరిగిన దాడిని ముఖ్యమంత్రి చంద్రబాబు ఖండించారు. ప్రజాస్వామ్యాన్ని ఖూనీ చేయాలనుకున్నావారే.. ఆమ్ ఆద్మీ పార్టీని అంతమొందించాలనుకున్నవారే.. ఎన్నికల్లో ఓడిపోతామని భయపడినవారే ఈ పని చేశారని ట్విటర్​లో మండిపడ్డారు. ఇలాంటి భౌతిక దాడులతో.. తమ ఓటమిని వారే అంగీరకించినట్టయిందని పరోక్ష వ్యాఖ్యలు చేశారు. దిల్లీ పోలీసులు దాడి చేసిన వ్యక్తిని కఠినంగా శిక్షించాలని కోరారు. దాడి వెనక వాస్తవాలు బయటపడాలన్నారు.