విద్యుత్ కొనుగోలు ఒప్పందాలపై శాసనసభలో వాడీవేడీ చర్చ జరిగింది. విద్యుత్ ఒప్పందాల ప్రభుత్వం వేసిన కమిటీ తప్పుడు లెక్కలు చూపిస్తుందని చంద్రబాబు ఆరోపించారు. విద్యుత్ సంస్కరణలతో రాష్ట్రాన్ని మిగులు విద్యుత్ దిశగా నడిపించామని తెలిపారు. 22.5 మిలియన్ యూనిట్ల కొరత ఉంటే లేకుండా చేశామన్నారు. ఇప్పుడు కోతలు మొదలయ్యాయన్నారు. వైకాపా తప్పుడు సంకేతాలతో ప్రజలను మభ్యపెడుతుందని మండిపడ్డారు.
కర్ణాటకలో విద్యుత్ డెవలపర్‌గా ఉన్న జగన్... ఎక్కువ ధరకు విద్యుత్ అమ్ముతున్నారని చంద్రబాబు ఆరోపించారు. ఇక్కడ మాత్రం అంత ఎందుకు ఇస్తున్నారని నిలదీస్తున్నారని.... దీనిపై ఆయనే ఆలోచించుకోవాలన్నారు. పవన, సౌర విద్యుత్ ధరలు తగ్గించాలని కోరామని కావాలంటే దస్త్రాలు చూసుకోవచ్చన్నారు.
విద్యుత్ ఒప్పందాలపై చర్చలో మాట్లాడుతున్న చంద్రబాబు