నల్ల దుస్తులతో లోకేష్ నిరసన

చిత్తూరు జిల్లా రేణిగుంటలో పది ఎలక్ట్రానిక్స్ సంస్థలకు మంత్రి లోకేశ్‌ శంకుస్థాపన చేశారు.

రాష్ట్ర ఐటీ, పంచాయితీరాజ్‌ శాఖ మంత్రి లోకేశ్‌... చిత్తూరు జిల్లా రేణిగుంటలో ఈఎంసీ-1, 2లలో పది ఎలక్ట్రానిక్‌ సంస్థల ఏర్పాటుకు భూమిపూజ చేశారు. మంత్రి అమరనాథ్‌రెడ్డి హాజరయ్యారు. గుంటూరులో మోదీ పర్యటనకు నిరసనగా మంత్రులు నలుపు రంగు దుస్తుల్లోనే భూమిపూజకు హాజరయ్యారు.

రూ.80 కోట్ల పెట్టుబడులు

ఈ కార్యక్రమంలో భాగంగా తిరుపతి ఎలక్ట్రానిక్స్ తయారీ క్లస్టర్​ -1 లో కార్బన్ మొబైల్స్ సంస్థను ప్రారంభించారు. ఈ ప్రాజెక్టుతో రూ. 80 కోట్ల పెట్టుబడితో 700 మందికి ఉపాధి లభించనుంది. మొత్తం 1445 కోట్ల విలువైన కంపెనీలకు లోకేశ్ భూమి పూజ చేశారు. 7,088 మందికి ఉద్యోగాలు కల్పించనున్నామని స్పష్టం చేశారు. ఏసీలు, ఫ్రిజ్​ల తయారీలో దిగ్గజ సంస్థ వోల్టాస్​ సంస్థకు లోకేశ్ శంకుస్థాపన చేశారు.వోల్టాస్​ సంస్థ 653 కోట్లు పెట్టుబడి పెట్టనుంది. ఈ సంస్థతో 1,680 మందికి ఉపాధి కల్పించనుంది. ఎలక్ట్రానిక్స్ తయారీ రెండో క్లస్టర్​లో సీసీ కెమెరాలు, టీవీల తయారీ సంస్థ డిక్సన్​ 145 కోట్లు పెట్టుబడి పెట్టనుంది. డిక్సన్ సంస్థతో 1131 మందికి ఉద్యోగాలు అందుబాటులోకి రానున్నాయి.