అమిత్ షా సభకు ఖాళీ కుర్చీలే అతిథులు

ప్రజా చైతన్య యాత్ర ద్వారా రాష్ట్రంలో భాజపా శ్రేణులను ఉత్సాహపరచాలనుకున్న అమిత్ షా ఆశయానికి భంగపాటు ఎదురైంది. పలాసలో ఏర్పాటు చేసిన బహిరంగ సభకు ప్రజాదరణ లేకపోవడంతో బస్సుపై నుంచే ప్రసంగించి వెళ్లారు.

శ్రీకాకుళం జిల్లా పలాసలో భాజపా జాతీయ అధ్యక్షుడు అమిత్‌షా పర్యటిస్తున్నారు. రాష్ట్రంలో కమల దళం చేపట్టిన బస్సు యాత్రను ప్రారంభించారు. అమిత్ షా రాక సందర్భంగా పార్టీ రాష్ట్ర నేతలు.. బహిరంగ సభ ఏర్పాటు చేశారు. జనం లేక సభాప్రాంగణం వెలవెలబోవటం గమనించిన భాజపా అధినేత.. సభను రద్దు చేసుకున్నారు. ప్రజా చైతన్య యాత్ర రథంపై నుంచే ప్రసంగించారు.