YCP Office issue: బాపట్ల జిల్లా వైసీపీ కార్యాలయం నిర్మాణానికి బాపట్లలో మంత్రులు నాగార్జున, కొట్టు సత్యనారాయణ, బాపట్ల ఎమ్మెల్యే కోన రఘుపతిలు శంకుస్థాపన చేశారు. అయితే అ స్థలం తమదంటూ ఆర్టీసీ అధికారులు రెవెన్యూ, పోలీసులకు ఫిర్యాదు చేశారు. కాగా పట్టణంలోని విద్యానగర్ కాలనీ సమీపంలో ఆర్టీసీ గ్యారేజి వెనుక 4 ఎకరాల స్థలం ఉంది. దీనికి సమీపంలో నుంచే 216 జాతీయ రహదారి వెళుతుంది. రహదారి పక్కనే ఉన్న కోట్ల విలువైన భూమిని వైసీపీ జిల్లా కార్యాలయ నిర్మాణానికి 33 ఏళ్ల లీజుకు ప్రభుత్వం ఇచ్చింది. దీంతో ఈ రోజు మంత్రులు, ప్రజాప్రతినిధులు శంకుస్థాపన చేయగా.. దీనిపై ఆర్టీసీ అధికారులు అభ్యంతరం వ్యక్తం చేశారు.
బాపట్లలో వైసీపీ కార్యాలయం స్థలం విషయంలో వివాదం