YCP MLA Prakash Reddy: అనంతపురం జిల్లా ఉరవకొండ పోలీసుస్టేషన్‌లో వైసీపీ ఎమ్మెల్యే తోపుదుర్తి ప్రకాశ్‌రెడ్డి సోదరుడు చంద్రశేఖర్‌రెడ్డి కలిసి హల్‌చల్‌ చేశారు. ఓ కేసులో తన అనుచరుడు గౌరీశంకర్‌ను పోలీసులు అరెస్ట్ చేయడంతో.. ఆయన్ను కేసు నుంచి తప్పించేందుకు పోలీసులతో మంతనాలు చేశారు. చంద్రశేఖర్‌రెడ్డి తన అనుచరులతో కలిసి వాహనాల్లో ఉరవకొండ పోలీసుస్టేషన్‌కు చేరుకోగా.. అక్కడే ఉన్న మీడియా ప్రతినిధులు ఫొటోలు తీసేందుకు యత్నించగా అనుచరులు సెల్‌ఫోన్లు లాక్కుని వీడియోలు, ఫొటోలు తీసివేశారు. రమేశ్‌ అనే వ్యక్తి ఆత్మహత్య కేసులో గౌరీశంకర్‌తోపాటు డీవీనాయుడును పోలీసులు అదుపులోకి తీసుకున్నారు. ఈ కేసులో గౌరీశంకర్ పేరు తొలగించేలా చంద్రశేఖర్‌రెడ్డి పోలీసులపై ఒత్తిడి తెచ్చినట్లు సమాచారం.
ఉరవకొండ స్టేషన్లో తోపుదుర్తి ప్రకాశ్‌రెడ్డి సోదరుడు హల్‌చల్‌