అనంతపురం జిల్లా కూడేరు మండలంలోని చోళసముద్రంలో తెదేపా-వైకాపా నేతల దాడి స్థానికంగా ఉద్రిక్తతకు దారి తీసింది. పంచాయతీ ఎన్నికలలో తెదేపా మద్దతుదారుల విజయాన్ని జీర్ణించుకోలేని అధికార పార్టీ మద్దతుదారులు తెదేపా కార్యకర్త ఇంటిపై దాడికి యత్నించారు. విషయం తెలుసుకున్న తెలుగుదేశం పార్టీ శ్రేణులు ప్రతిదాడికి సన్నద్ధమయ్యారు. ఈ క్రమంలో ఇరువర్గాల మధ్య జరిగిన తోపులాటలో ముగ్గురు తీవ్రంగా గాయపడ్డారు. గ్రామంలో పెద్దఎత్తున మోహరించిన పోలీసులు.. బందోబస్తు ఏర్పాటు చేశారు. ప్రస్తుతం గ్రామంలో ఉద్రిక్తత పరిస్థితులు నెలకొన్నాయి.
ఓటమి జీర్ణించుకోలేక దాడులకు పాల్పడుతున్న వైకాపా వర్గీయులు